ஃபியூஜியின் முப்பரிமாண கேமரா

புகைப்படமெடுக்கத் தேவையான கேமராக்கள் தயாரிப்பில் மிகவும் பிரபலமாக விளங்கும் ஃபியூஜி ஃபிலிம் கார்ப்பரேஷன் நிறுவனம் தற்போது முதல் முறையாக முப்பரிமாண (3டி) கேமராவை அறிமுகப்படுத்தியுள்ளது.

இது தவிர உலகிலேயே மிகவும் மெல்லிதான கேமராவையும் இந்தியச் சந்தையில் அறிமுகம் செய்துள்ளது. முப்பரிமாண கேமரா மூலம் படமெடுப்பதோடு, அதற்கான கண்ணாடி இன்றி படங்களை 3 கோணங்களில் பார்க்கலாம்.

தேவைப்பட்டால் இரு பரிமாணத்திலும் இதில் படமெடுக்கும் வசதி உள்ளது. உலகிலேயே மிகவும் மெல்லியதான 10எக்ஸ் ஜூம் கேமராவையும் இந்நிறுவனம் அறிமுகப்படுத்தியுள்ளது.

இதில் சூப்பர் சிசிடி இஎக்ஸ்ஆர் சென்சார் உள்ளதால் மிகவும் துல்லியமாக படமெடுக்க உதவுகிறது. முப்பரிமாண கேமராவின் விலை ரூ. 39,999. மெல்லியதான கேமராவின் விலை 18,999